السلام عليكم و رحمة الله و بركاته
كتبت و أنا فى سنة أولى من كليتى حلم من أحلامى ... و كان بيدور حول صلاة المسلمين فى المساجد
و كنت أحلم و أتمنى انى ألاقى المشهد ده
شايف الأوضة اللى هناك دى ... الطالب اللى كان فيها طفا نورها علشان ينزل يصلى ، طب بص على الفكهانى ده بيقفل محله علشان يلحق يتوضى فى الجامع و يصلى ، ياااه ما شاء الله جارنا فلان أهو نازل مع ابنه الصغير علشان يصلوا ، و آدى يافطة مغلق للصلاة اتحطت على محل الهدوم ده علشان يروحوا يصلوا
و من مده فاتت ، كنت نازل أنا و صاحبى نشترى هدوم فا دخلنا محل و قعدنا نقيس و نقول آه البنطلون ده كويس ... طب ممكن نشوف الألوان بتاع القميص ده ... فالمغرب أذن ... فلاقينا العمال اللى فى المحل ... يلا يا جماعة علشان الصلاة ، و يقولوا للناس اللى جوا البروفا .. يلا يا جماعة علشان الصلاة
أنا فرحت جداااا انى شفت المنظر ده أدامى
علشان حسيت ان جزء من حلمى بيتحقق
اللهم حبب إلينا الإيمان و زينه فى قلوبنا و كره إلينا الكفر و الفسوق و العصيان
gameel awi el post ya Islam :) ..
ReplyDelete