join us ... to start our journey

السلام عليكم و رحمة الله و بركاته ...

ازيكو يا شباب ، عاملين إيه ... يا رب تكونوا كلكوا كويسين

عاملين إيه فى حياتكم ... ماشية كويسة ولا إيه ؟؟

يا رب كلنا نكون عايشين بجد فى الحياة دى

و ده هدفنا هنا فى ال blog ان احنا عايزين نعيش فى الحياة

طيب ... بعد الغياب ده كله ، إن شاء الله هانخش مع بعض فى المواضيع اللى عملنا علشانها ال blog ده .

هو فيه سؤال بس .. هو الهدف بتاع ال blog إيه ؟ J

قلنا عايزين نشوف ال Technologies اللى بنشوفها بره دى

قلنا عايزين نشوف الناس اللى نجحوا .. نجحوا ازاى ؟

و ده اللى هانبدأ به

طب ازاى

يعنى هانشوف مواقف للناس الناجحة و نعرضها

فأنا حاليا باقرأ فى كتاب حلو جدا و هو

"صور من حياة الصحابة"

أيوه ... الصحابة ...من أنجح الناس اللى عاشوا فى الدنيا دى

هاتشوفوا ان شاء الله صحابة أول مرة تسمعوا عنهم و صحابة سمعتم عنهم أكتر من مرة ... الصحابة دول عليهم مواقف ، تخلى أى واحد نفسه يعرف حياة كل صحابى منهم بالتفصيل علشان تعرف الناس دى اتربت على إيه ...

طب هانعرف الكلام ده ازاى ؟

ان شاء الله ... هابعت مواقف من حياة الصحابى ... و كل واحد يبعت على ال blog التعليق بتاعه

فاللى يلقط حاجة من القصة تمثل قيمة حلوة أوى ناقصانا ...

واللى يقولنا أكيد الصحابى ده عمل كده علشان أكيد كان عنده خطة و ماشى عليها

لالا شايفين اتصرف فى الموقف الفولانى ازاى ... يا سلام لو التصرف ده حصل فى الموقف الفولانى كانت تبقى النتيجة عظيمة

فعلا الناس دى كانوا عندهم حبة قيم ، و أخلاق ، شهامة ، و جدية فى العمل ، وعلى كده .. تلاقى عندهم اللى يعمل حاجة فيخلى الرسول صلى الله عليه و سلم يضحك ... و اللى يلعب رياضة

عارفين ... أنا مرة سمعت فى برنامج خواطر شاب بتاع أحمد الشقيري ... كان بيتكلم على كأس العالم و كرة القدم و كده .. فقال ان لو كأس العالم ده كان موجود ساعة الصحابة كنت تلاقى مصر و لا السعودية و لا أى دولة عربية كانت هيا اللى تخده بجدارة ... أيوه الناس دى مادام بتعمل حاجة هاتعملها على أكمل وجه ...

يااااااه أنا اشتقت انى ابعت على ال blog المواقف دى ... يا رب تكونوا انتوا كمان مشتقين زيي ...

مستنى ردودكوا اللى هاتكشف من المواقف دى أعظم قيم علشان نثبتها عندنا و تبقى عندنا القيم دى

فا نعيش فى الحياة بقى بجد ..و نتمتع بطاعة ربنا فيها ...

ابتسموا بقى و صّلوا على نبينا و حبيبنا و قدوتنا محمد صلى الله عليه و سلم

أستودعكم الله

السلام عليكم و رحمة الله و بركاته